MƏDƏNİYYƏT


“Azadlıq aşiqləri günü - 20 Yanvar” adlı sərgi açılacaq

Bakı, 11 yanvar , AZƏRTAC

Bakı Xətai Sənət Mərkəzində “Azadlıq aşiqləri günü - 20 Yanvar” adlı respublika uşaq rəsm müsabiqəsinin yekun sərgisi açılacaq.

Xətai Sənət Mərkəzinin direktoru Zahid Əvəzov AZƏRTAC-a bildirib ki, yanvarın 17-də reallaşacaq sərgi Mədəniyyət Nazirliyi, “Azərbaycan Televiziya və Radio Verilişləri” Qapalı Səhmdar Cəmiyyəti, Xətai Rayon İcra Hakimiyyəti, 3 nömrəli Uşaq Gənclər İnkişaf Mərkəzinin dəstəyi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə gerçəkləşəcək.

Mərkəz direktoru müsabiqə barədə məlumat verərək deyib ki, müsabiqəyə 400-ə yaxın uşaq 700-dək əsər ilə qatılıb. Münsiflər heyətinin qərarı ilə 110 uşağın işi sərgidə nümayiş edilmək üçün seçilib. Sərgidə nümayiş ediləcək 120-dək sənət əsərinin müəllifləri sonda diplomla təltif ediləcək.

Qeyd edək ki, müsabiqədə seçim iki yaş kateqoriyası üzrə (12 yaş qədər və 12-17 yaşarası) aparılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.