Bakı, 27 yanvar (AZƏRTAC). Cari ildə “ZQAN Holdinq” tərəfindən Bakının mərkəzində 20 mərtəbəli biznes mərkəzinin istismara verilməsi nəzərdə tutmuşdur.

AZƏRTAC xəbər verir ki, bunu holdinqin idarə heyətinin sədri Vaqif Həsənov bildirmişdir. Bina müasir standartlara uyğun tikiləcəkdir. Bundan əlavə, paytaxta ticarət meydanının tikintisi üzrə işlər davam edir.

Yasamal rayonunda isə yaşayış kompleksinin tikintisi başa çatdırılacaqdır.

“Holdinq, həmçinin bu il “Azbentonit” zavodunda yeni istehsalat xəttinin açılışını planlaşdırır. Bununla da, texnoloji və kadr potensialına malik şirkət quru inşaat qarışıqları, rəng və digər materialların istehsalı sahəsində istehsalçıların ümidlərini doğruldacaqdır”, - deyə V.Həsənov vurğulamışdır.