ELM VƏ TƏHSİL


Azər Musayev: Qazandığım uğurlar ölkəmizdə təhsilə göstərilən diqqətin bəhrəsidir

Bakı, 11 sentyabr, AZƏRTAC

Bu il mənim üçün çox uğurlu olub. Belə ki, yüksək balla ali məktəbə - Azərbaycan Respublikasının Prezidenti yanında Dövlət İdarəçilik Akademiyasına (DİA) qəbul olunmuşam və Prezident təqaüdünə layiq görülmüşəm. Qazandığım uğurlar ölkəmizdə təhsilə göstərilən diqqətin bəhrəsidir.

Bu fikirləri DİA-nın I kurs tələbəsi, Prezident təqaüdçüsü Azər Musayev AZƏRTAC-a müsahibəsində söyləyib. Azər Musayev Masallı rayon Həsənli kənd tam orta məktəbini bitirib. O, ali təhsil müəssisələrinə keçirilən qəbul imtahanlarında 685,3 bal toplayıb. DİA-da hüquqşünaslıq ixtisası üzrə təhsil alacaq.

“Arzum bacarıqlı hüquqşünas olmaqdır”, - deyən Azər Musayev əsası dahi rəhbər Heydər Əliyev tərəfindən qoyulmuş dövlət gənclər siyasətinin əhəmiyyətindən bəhs edib, ölkəmizdə gənclərə, onların təhsilinə xüsusi qayğı göstərildiyini söyləyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.