İQTİSADİYYAT


“Azerbaijan Airlines” bort jurnalı nüfuzlu “Milli İrs” mükafatına layiq görülüb

Bakı, 23 aprel, AZƏRTAC

“Azərbaycan Hava Yolları”nın bort jurnalı (“Azerbaijan Airlines In-Flight Magazine”) Azərbaycanın mədəni irsinin təbliği işində xidmətlərinə görə Mədəniyyət Nazirliyinin “Milli İrs” mükafatı ilə təltif olunub.

“Azərbaycan Hava Yolları” QSC-nin mətbuat xidmətindən AZƏRTAC-a verilən məlumata görə, mükafat “IRS Publishing House” nəşriyyatı tərəfindən hazırlanmış “İrs” silsiləsindən olan “Daş keşikçilər” kitabının təqdimat mərasimində təqdim olunub və Beynəlxalq Abidələr və Tarixi Yerlər Gününə həsr edilib.

“Azerbaijan Airlines” bort jurnalı 2007-ci ildən işıq üzü görür. Bu müddət ərzində nəşrdə yerli və xarici oxucuları Azərbaycanın tarixi, mədəniyyəti, ənənələri və diqqətəlayiq yerləri ilə tanış edən yüzlərlə materiallar dərc edilib. İki aydan bir dövriliklə buraxılan nəşr AZAL-ın bütün daxili və beynəlxalq reyslərində pulsuz paylanılır.

Jurnal ötən ilin dekabrında Peşəkar Fotoqraflar Beynəlxalq Gildiyasının nüfuzlu “Rusiyanın Qızıl Peqası” mükafatına layiq görülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.