MƏDƏNİYYƏT


Azərbaycan 34-cü Beynəlxalq Kitab Yarmarkasında iştirak edir

Moskva, 24 sentyabr, AZƏRTAC

Moskvada, “Expo Center” Mərkəzi Sərgi Kompleksində 34-cü Beynəlxalq Kitab Yarmarkası açılıb.

Yarmarkada Azərbaycan stendi də yer alıb.

Azərbaycan Mədəniyyət Nazirliyinin şöbə müdiri Akif Maarifli AZƏRTAC-ın müxbiri ilə söhbətində bildirib ki, Rusiya paytaxtının sakinlərinə və qonaqlarına ölkəmizdə yeni nəşr edilmiş kitablar təqdim olunur.

“Bu il Azərbaycan Prezidenti İlham Əliyevin Sərəncamı ilə “Nizami Gəncəvi İli” elan olunub. Hazırda dahi Nizaminin həyat və yaradıcılığının təbliği sahəsində geniş işlər görülür. Yarmarkada Azərbaycan mədəniyyəti və tarixindən, eləcə də Qarabağ həqiqətlərindən bəhs edən kitablar, dahi Nizaminin əsərləri sərgilənir”, - deyə A.Maarifli bildirib.

Yarmarkada 200-dən çox nəşriyyat evi öz məhsullarını təqdim edir. Sərgi çərçivəsində 300-dən artıq müxtəlif tədbirlərin – ustad dərsləri, diskussiyalar, tanınmış yazıçılarla görüşlərin keçirilməsi planlaşdırılır.

Yarmarka sentyabrın 27-dək davam edəcək.

Fəridə Abdullayeva

AZƏRTAC-ın xüsusi müxbiri

Moskva 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.