İDMAN


Azərbaycan Ağır Atletika Federasiyasının hesabat iclası keçirilib

Bakı, 13 fevral, AZƏRTAC

AAAF Park Yaşayış Kompleksinin konfrans zalında Azərbaycan Ağır Atletika Federasiyasının 2018-ci il üçün ümumi hesabat iclası keçirilib.

AZƏRTAC xəbər verir ki, təbirdə qurumun rəhbər şəxsləri, məşqçilər, hakimlər və ağır atletika mütəxəssisləri iştirak ediblər.

İlk olaraq federasiyanın baş katibi Rizvan Rəsulov zala toplaşanları salamlayıb. O, iclasın federasiya tərəfindən 2018-ci ildə görülən işlərin hesabatına həsr edildiyini qeyd edib.

Sonra R.Rəsulov federasiyanın ötənilki fəaliyyəti ilə bağlı geniş hesabatla çıxış edib. Baş katib federasiyanın 2008-ci və 2012-ci il Olimpiya Oyunlarında çıxış edən atletlərdən götürülən nümunələrin yenidən analizi nəticəsində çıxan dopinq qərarına görə aldığı birillik cəza və bu cəza nəticəsində yaranan problemlərin həlli barədə danışıb. O, həmçinin ilboyu təşkil olunan daxili yarışlar, təlim-məşq toplanışları, mütəmadi keçirilən antidopinq seminarları və çoxsaylı yoxlamalar, paytaxt və regionlarda idman qurğularının inşası və bərpası, zallara ağır atletika avadanlıqlarının paylanılması və il ərzində beynəlxalq yarışlarda əldə olunan nəticələr barədə məlumat verib.

Hesabat dinlənildikdən sonra iclas iştirakçılarını maraqlandıran suallar cavablandırılıb, müzakirələr aparılıb, müxtəlif təkliflər səsləndirilib.

Sonda hesabat səsə qoyulub və yekdilliklə qəbul olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.