ELM VƏ TƏHSİL


Azərbaycan-Amerika Qadınlar Cəmiyyətinin prezidenti BSU-da olub

Bakı, 31 oktyabr, AZƏRTAC 

Oktyabrın 31-də Bakı Slavyan Universitetində (BSU) Nyu-Yorkda fəaliyyət göstərən Azərbaycan-Amerika Qadınlar Cəmiyyətinin prezidenti Münəvvər Vahabova ilə görüş keçirilib.

Universitetdən AZƏRTAC-a bildiriblər ki, görüşdə Diaspor Jurnalistlər Birliyinin sədri Fuad Hüseynzadə, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının katibi Nərgiz Eyvazova, BSU-nun professor-müəllim heyəti və tələbələr iştirak ediblər.

M.Vahabova məzunu olduğu universitetə qonaq kimi dəvət aldığına görə BSU-nun rəhbərliyinə minnətdarlığını bildirib. İnstitut illəri ilə bağlı xatirələrini bölüşən M.Vahabova gənclərə tələbəlik illərinin qədrini bilməyi, dövlətin gənclər üçün yaratdığı şəraitdən düzgün yararlanmağı tövsiyə edib.

Qonaq rəhbərlik etidiyi cəmiyyətin Azərbaycanla bağlı Nyu-Yorkda keçirilən tədbirlərin əsas təşkilatçısı olduğunu deyib. Bildirib ki, bütün əlamətdar günlərdə, aksiyalarda, anım tədbirlərində Azərbaycanın tarixi həqiqətləri, milli-mənəvi dəyərləri təbliğ olunur.

Sonra M.Vahabova iştirakçıların suallarını cavablandırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.