İQTİSADİYYAT


Azərbaycan Banklar Assosiasiyasının nümayəndəsi beynəlxalq konqresdə iştirak edəcək

Bakı, 11 aprel, AZƏRTAC

Azərbaycan Banklar Assosiasiyası (ABA) nəzdində fəaliyyət göstərən "Xəzinədarlıq və Fondların İdarə Olunması üzrə" ekspert qrupunun sədri Aydın Hüseynov Türkiyədə beynəlxalq konqresdə iştirak edəcək.

ABA-dan AZƏRTAC-a bildirilib ki, aprelin 17-dən 19-dək Türkiyənin Artvin şəhərində yerləşən Artvin Çoruh Universitetində "Qlobal iqtisadiyyat, maliyyə və siyasətdə hazırkı inkişaflar" mövzusunda Artvin Beynəlxalq Sosial Elmlər Konqresi (AICOSS 2019) keçiriləcək. A.Hüseynov konqresdə "Banklarda likvidlik riskinin yaratdığı faiz riski, gap və durasiya analizləri" mövzusunda çıxış edəcək. Konqresin məqsədi iqtisadiyyat və sosial elmlər üzrə dünyadakı mövcud olan yenilikləri müzakirə etməkdən ibarətdir. Bu kontekstdə iqtisadiyyat, idarəetmə, siyasət elmləri, beynəlxalq münasibətlər, ictimai maliyyə, marketinq, beynəlxalq ticarət və logistika kimi sahələrdən dünya üzrə çox sayda tədqiqatçılar və elm adamları konqresə dəvət olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.