İDMAN


Azərbaycan Basketbol Federasiyasının hesabat-seçki konfransı keçirilib

Bakı, 10 dekabr, Nicat Məmmədov, AZƏRTAC

Dekabrın 10-da Azərbaycan Basketbol Federasiyasının (ABF) hesabat-seçki konfransı keçirilib.

AZƏRTAC xəbər verir ki, federasiyanın 2015-2019-cu illərdəki fəaliyyətinin yekunlarının müzakirə olunduğu tədbirdə Azərbaycan Milli Olimpiya Komitəsinin (MOK) vitse-prezidenti Çingiz Hüseynzadə, Gənclər və İdman nazirinin müavini İsmayil İsmayilov, MOK-un baş katibinin müavini Azər Əliyev, federasiyanın prezidenti Nadir Nəsibov, ABF-in üzvləri və media nümayəndələri iştirak ediblər.

N.Nəsibov iclasda çıxış edərək federasiyanın ötən dörd ildəki fəaliyyəti barədə ətraflı məlumat verib. O, Azərbaycan Respublikasının Prezidenti, Milli Olimpiya Komitəsinin rəhbəri İlham Əliyevin ölkəmizdə idmanın digər növləri kimi basketbola da diqqət və qayğısı nəticəsində əldə edilən nailiyyətdən söz açıb. Federasiya prezidenti basketbolçularımızın qarşıdakı yarışlarda da əzmlə mübarizə apararaq ölkəmizi layiqincə təmsil edəcəklərinə əminliyini bildirib.

Çıxışdan sonra federasiyanın rəhbərliyinə seçkilər keçirilib. N.Nəsibov səsvermə nəticəsində yenidən federasiyanın prezidenti seçilib. Tədbirdə, həmçinin Azərbaycan Basketbol Federasiyasının Rəyasət Heyətinin yeni tərkibi və ABF-in baş katibi müəyyənləşib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.