MƏDƏNİYYƏT


Azərbaycan, Belarus və Özbəkistan sənət ulduzları eyni səhnəni bölüşəcəklər

Bakı, 21 noyabr, AZƏRTAC

Dekabrın 8-də Azərbaycan Dövlət Akademik Opera və Balet Teatrında C.Verdinin “Trubadur” operası təqdim olunacaq.

Teatrın mətbuat xidmətindən AZƏRTAC-a bildirilib ki, səhnə əsərində iştirak etmək üçün bir sıra xarici sənətkarlar dəvət edilib. Operada bu dəfə Azərbaycanın tanınmış sənətkarları ilə yanaşı, Belarus və Özbəkistanın opera ulduzları iştirak edəcək. Səhnə əsərində əsas partiyalardan birini - Leonoranı Belarus Milli Akademik Böyük Opera və Balet Teatrının aparıcı solisti, vokalçıların beynəlxalq müsabiqələrinin laureatı Tatyana Tretyak ifa edəcək. O, səhnəni tərəf müqabili, Manriko rolunun ifaçısı Ə.Nəvai adına Böyük Opera və Balet Teatrının solisti, Özbəkistanın Xalq artisti, vokalçıların beynəlxalq müsabiqələrinin laureatı Ramiz Usmanovla bölüşəcək. Azərbaycan Opera və Balet Teatrının solistləri – Xalq artisti Əkrəm Poladov, Əməkdar artistlər Səbinə Vahabzadə, Tural Ağasıyev, solistlər Taleh Yahyayev, Nina Makarova da səhnə əsərində rol alacaqlar. Opera teatrın baş dirijoru, Əməkdar artist Əyyub Quliyev tərəfindən idarə olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.