SİYASƏT


Azərbaycan DİN-in RF-dəki nümayəndəsi Moskva iğtişaşlarında Azərbaycan vətəndaşının həlak olması barədə bəzi KİV-lərin yaydığı xəbəri təkzib etmişdir

Moskva, 16 dekabr (AZƏRTAC). Azərbaycan Daxili İşlər Nazirliyinin Rusiyadakı rəsmi nümayəndəsi, polis polkovniki Eldar Səmədov bildirmişdir ki, Moskvada Azərbaycan vətəndaşının milli zəmində öldürülməsi barədə bəzi KİV-lərin yaydıqları informasiya həqiqətə uyğun deyildir. Onun sözlərinə görə, bu informasiya Moskva milisinin rayon bölməsi tərəfindən yoxlanılmış və təsdiqini tapmamışdır. E.Səmədov vurğulamışdır ki, əməliyyat məlumatlarına görə, Azərbaycan vətəndaşının öldürülməsi barədə heç bir məlumat qeydə alınmamışdır. E.Səmədov demişdir: “Biz Rusiya DİN-lə daim birbaşa əlaqə saxlayırıq və vəziyyəti izləyirik. Moskvanın hüquq mühafizə orqanları paytaxtda vəziyyəti nəzarətdə saxlamaq üçün zəruri olan bütün tədbirləri görürlər”.

Asya Hacızadə

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.