CƏMİYYƏT


“Azərbaycan Dəmir Yolları” Dəllər-Zəyəm mənzilində baş verən hadisə ilə bağlı məlumat yayıb

Bakı, 13 dekabr, AZƏRTAC

Dekabrın 12-si saat 19:20-də dəmir yolunun Dəllər-Zəyəm mənzilində ölümlə nəticələnən bədbəxt hadisə baş verib.

“Azərbaycan Dəmir Yolları” QSC-nin mətbuat katibliyindən AZƏRTAC-a bildirilib ki, Şəmkir rayonunun Sabirkənd kənd sakini, 1984-cü il təvəllüdlü Xəyalə Zakir qızı Orucova dəmir yolunun Dəllər-Zəyəm mənzilinin 137-ci kilometrində hərəkət edən yük qatarı yaxınlaşarkən relslərin üzərinə çıxıb. Hadisə yerinə dərhal təcili yardım çağırılıb və ağır bədən xəsarətləri alan X.Orucova Şəmkir rayon Mərkəzi Xəstəxanasına çatdırılıb. Həkimlərin səyinə baxmayaraq o, xəstəxanada dünyasını dəyişib.

Qatar saat 19:50-də təyinatı üzrə yola salınıb.

Hadisə yerində aidiyyəti üzrə araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.