ELM VƏ TƏHSİL


Azərbaycan Dənizçilik Kollecinə qəbul üçün plan yerləri açıqlanıb

Bakı, 3 avqust, AZƏRTAC

“Azərbaycan Xəzər Dəniz Gəmiçiliyi” QSC-nin (ASCO) Azərbaycan Dövlət Dəniz Akademiyasının nəzdindəki Azərbaycan Dənizçilik Kollecinin (ADK) 2022-2023-cü tədris ili üçün plan yerləri açıqlanıb.

ASCO-dan AZƏRTAC-a bildirilib ki, bu il ADK 3 ixtisas üzrə qəbul aparacaq. Bunlar “Gəmi sürücülüyü”, “Gəmi energetik qurğularının istismarı” və “Elektrik təchizatı (Su nəqliyyatında)” ixtisaslarıdır.

Təsdiqlənmiş plana əsasən “Gəmi sürücülüyü” ixtisasına 15 yer ayrılıb. Bunlardan 10-u dövlət sifarişi hesabına, 5-i isə ödənişli əsaslarla təhsil almaq üçün nəzərdə tutulub.

“Gəmi energetik qurğularının istismarı” ixtisasının 10 yeri dövlət sifarişli, 5 yeri ödənişli əsaslarladır.

“Elektrik təchizatı (Su nəqliyyatında)” ixtisasına da bu il 15 yer ayrılıb. Bu ixtisasa qəbul olan tələbələrdən 10-u dövlət sifarişi, 5-i isə ödənişli əsaslarla təhsil almaq imkanı əldə edəcəklər.

Xatırladaq ki, ADK-ya qəbul 11 illik tam orta təhsil bazasından mümkündür.

Kollecdə tədris yalnız Azərbaycan dilində, əyani olmaqla 2 il, təhsil haqqı isə illik 600 manatdır.

ADK-ya ixtisas seçimi Dövlət İmtahan Mərkəzi tərəfindən ali məktəblərin boş qalan yerlərinə ərizə qəbulu ilə eyni vaxtda aparılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.