ELM VƏ TƏHSİL


Azərbaycan Dövlət Neft və Sənaye Universiteti Türkiyənin Kardemir zavodu ilə əməkdaşlığa başlayır

Bakı, 18 iyun, AZƏRTAC

Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı və onun rəhbərlik etdiyi nümayəndə heyəti Türkiyəyə səfəri çərçivəsində bu ölkənin ən böyük metallurgiya müəssisələrindən biri olan Kardemir zavodunda olub.

ADNSU-dan AZƏRTAC-a bildiriblər ki, görüşdə Kardemir zavodunun baş direktoru Nejdet Utkanlar müəssisənin yaradılması və fəaliyyəti haqqında ətraflı məlumat verib. Zavodun əsasının 1936-cı ildə qoyulduğu diqqətə çatdırılıb.

Universitet haqqında təqdimatdan sonra ADNSU-nun rektoru M.Babanlı və nümayəndə heyəti zavodun istehsal sahələri ilə tanış olub.

Sonra əməkdaşlıq barədə müzakirələr aparılıb, gələcəkdə birgə elmi layihə və təcrübə proqramlarının hazırlanmasına dair müəyyən razılıq əldə edilib.

Professor M.Babanlıya “İlk Türk Dəmir” mükafatı təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.