İQTİSADİYYAT


Azərbaycan Dubayda keçirilən “Gulfood 2019” beynəlxalq qida sərgisində geniş təmsil olunur

Dubay, 17 fevral, AZƏRTAC 

Azərbaycan şirkətləri Dubayda keçirilən “Gulfood 2019” beynəlxalq qida sərgisində iştirak edirlər.

AZƏRTAC xəbər verir ki, sərgidə İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə qida sənayesi sahəsində fəaliyyət göstərən 21 şirkət öz məhsullarını “Made in Azerbaijan” adlı vahid ölkə stendində sərgiləyir. Azərbaycan pavilyonunda ölkəmizdə istehsal edilən meyvə və tərəvəz, qənnadı məmulatları, limonadlar, təbii şirələr, mineral sular, bal və süd məhsulları nümayiş olunur.

Azərbaycan pavilyonunda nümayiş etdirilən yerli məhsullar ziyarətçilərin və mütəxəssislərin böyük marağına səbəb olub. Çoxlu sayda ziyarətçi Azərbaycan pavilyonunda milli məhsullarımızla maraqlanır, təqdim olunan məhsulların dadına baxır və məmnunluqlarını bildirirlər.

Bu il “Gulfood” qida məhsulları sərgisinə 120 ölkədən beş mindən artıq yerli, regional və beynəlxalq şirkət qatılıb. Sərgini 97 mindən artıq qonaq ziyarət edib.

Körfəz hövzəsində və Yaxın Şərqdə ən böyük sərgilərdən olan “Gulfood” mühüm beynəlxalq platformadır.

Asya Hacızadə

AZƏRTAC-ın xüsusi müxbiri

Dubay

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.