SİYASƏT


Azərbaycan-Estoniya əlaqələrinin inkişaf perspektivləri müzakirə olunub

Bakı, 23 oktyabr, AZƏRTAC

Azərbaycanın xarici işlər naziri Elmar Məmmədyarov ölkəmizdə rəsmi səfərdə olan Estoniya parlamentinin vitse-spikeri Kalle Laanet ilə görüşüb.

Xarici İşlər Nazirliyinin mətbuat xidmətindən AZƏRTAC-a bildiriblər ki, görüşdə nazir Elmar Məmmədyarov Azərbaycan ilə Estoniya arasındakı münasibətlərin uğurla inkişaf etdiyini diqqətə çatdırıb. Elmar Məmmədyarov, həmçinin Azərbaycan ilə Estoniya arasında informasiya və kommunikasiya texnologiyaları, elektron hökumət sahələrində uğurlu əməkdaşlığın mövcud olduğunu qeyd edib. Avropa İttifaqı-Azərbaycan münasibətlərinə toxunan nazir ölkəmizin Şərq Tərəfdaşlığı çərçivəsində iştirakı, əlaqələrin hüquqi əsasını təşkil edəcək yeni, strateji əhəmiyyətli saziş üzrə aparılan danışıqlar barədə qarşı tərəfə məlumat verib.

Kalle Laanet, öz növbəsində, Estoniyanın Azərbaycanla əməkdaşlığa daim maraq göstərdiyini, ölkələrimiz arasında informasiya-kommunikasiya texnologiyaları, o cümlədən nəqliyyat sahələrində əməkdaşlıq üçün geniş potensialın olduğunu qeyd edib.

Görüşdə Azərbaycan-Estoniya münasibətlərinin hazırkı səviyyəsindən məmnunluq ifadə edilib, tərəflər arasında siyasi dialoqun davamlı şəkildə aparılmasının və yüksək səviyyəli mütəmadi qarşılıqlı səfərlərin, görüşlərin keçirilməsinin əhəmiyyəti vurğulanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.