İDMAN


Azərbaycan Futzal Federasiyasının prezidenti “Araz” klubunun üzvləri ilə görüşüb

Bakı, 2 oktyabr, AZƏRTAC

Azərbaycan Futzal Federasiyasının (AFF) prezidenti Zaur Axundov Bakı İdman Sarayında ölkəmizi UEFA Çempionlar Liqasında təmsil edəcək “Araz” klubunun üzvləri ilə görüşüb.

AZƏRTAC xəbər verir ki, AFF prezidenti komandanın hazırlıq durumu ilə maraqlanıb, əsas seçmə mərhələ çərçivəsində Slovakiyada keçiriləcək qrup oyunlarında təmsilçimizə uğurlar arzulayıb.

Baş məşqçi Joze Alesio Da Silva isə komandanın oyunlara hazır olduğunu, məqsədə nail olmaq üçün sona qədər mübarizə aparacaqlarını bildirib.

Qeyd edək ki, “Araz” UEFA Çempionlar Liqasının əsas mərhələsi çərçivəsində oktyabrın 3-də Litvanın “Vytis”, ertəsi gün Maltanın “Valletta” komandası ilə qarşılaşacaq. Qrupda son oyun meydan sahibi “Luçence”yə qarşı keçiriləcək ki, bu görüş oktyabrın 6-da baş tutacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.