İDMAN


Azərbaycan Futzal Federasiyasının prezidenti milli komandanın üzvləri ilə görüşüb

Bakı, 5 oktyabr, AZƏRTAC

Azərbaycan Futzal Federasiyasının (AFF) prezidenti Zaur Axundov dünya çempionatının əsas mərhələsinin oyunlarına hazırlaşan milli komandanın üzvləri ilə görüşüb.

Federasiyadan AZƏRTAC-a verilən məlumata görə, o, futzalçılara Polşa və Yunanıstana qarşı keçiriləcək oyunlarda uğurlar arzulayıb. Millinin baş məşqçisi Joze Alesio Da Silva hazırlıq və oyunçuların durumu ilə bağlı federasiya rəhbərinə məlumat verib.

Görüşdə AFF-nin vitse-prezidenti Elşən Abasov, menecer Eldəniz Yusubov da iştirak edib.

Qeyd edək ki, oktyabrın 7-də Bakıda Polşa ilə qarşılaşacaq Azərbaycan millisi 4 gün sonra səfərdə Yunanıstanın qonağı olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.