ELM VƏ TƏHSİL


Azərbaycan İlahiyyat İnstitutunun tələbələri Türkiyəyə “Yay məktəbi”nə yola düşüblər

Bakı, 19 iyul, AZƏRTAC

Azərbaycan İlahiyyat İnstitutunun (Aİİ) tələbələri Türkiyənin Bursa şəhərinə “Yay məktəbi”nə yola düşüblər.

Aİİ-dən AZƏRTAC-a bildiriblər ki, rektor Ceyhun Məmmədov “Yay məktəbi”nə gedən tələbələrə tövsiyələrini verib, ölkəni və institutu layiqincə təmsil edəcəklərinə ümidvar olduğunu bildirib.

Rektor tələbələri “Yay məktəbi” müddətində məsuliyyətli olmağa və yaradılan şəraitdən səmərəli faydalanmağa çağırıb. Onlara verilən tapşırıqları vaxtında yerinə yetirməyi və asudə vaxtlarını səmərəli keçirmələrini tövsiyə edib. Gənclərin karyera imkanlarının genişləndirilməsində bilik və bacarığın hər zaman öndə dayandığını söyləyən rektor hər bir gəncin tələbəlik illərindən gələcək karyerası barədə düşünməli olduğunu vurğulayıb.

Daha sonra tələbələr “Yay məktəbi”ndə onlar üçün təşkil edilən proqramın gündəliyi ilə tanış olublar.

Xatırladaq ki, tələbələrə bu müddət ərzində müxtəlif dərslər keçiləcək, həmçinin asudə vaxtlarının səmərəli təşkili üçün tarixi abidələrə, məscidlərə ziyarətlər təşkil olunacaq.

“Yay məktəbi” Azərbaycan İlahiyyat İnstitutu, Türkiyənin Təhsil Nazirliyi və Dini İşlər İdarəsi arasındakı razılığa əsasən baş tutacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.