MƏDƏNİYYƏT


Azərbaycan MDB-də ekskursiya turizminin üç ən yaxşı istiqamətindən biridir

Moskva, 21 fevral, AZƏRTAC 

Azərbaycan MDB məkanında ekskursiya turizminin üç ən yaxşı istiqamətindən biri sayılıb.

AZƏRTAC xəbər verir ki, “TurStat” analitika agentliyi Rusiya turistlərinin ekskursiya turları, istirahəti və səyahətləri üçün MDB ölkələrinin ən yaxşı ekskursiya istiqamətlərinin reytinqini tərtib edib.

Ekskursiya turizmi bələdçilərin müşayiəti ilə mədəni-maarifləndirici turları və ekskursiyaları nəzərdə tutur. “TurStat”ın məlumatına görə, MDB ölkələrində ekskursiya turizmi bir il ərzində 3 milyondan çox ekskursiya səfərini və turunu əhatə edir.

MDB-də ekskursiya istirahəti üçün üç ən yaxşı istiqamət Belarus, Qazaxıstan və Azərbaycandır.

Reytinq ekskursiya turları və internet-sorğu bazarının tədqiqi nəticəsində əldə olunan məlumat əsasında tərtib edilib.

“TurStat”ın məlumatına görə, MDB ölkələrinə 7 günlük ekskursiya turu, orta hesabla, 500-1000 dollara başa gəlir.

 

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.