ELM VƏ TƏHSİL


Azərbaycan-Macarıstan Məzunlar Birliyinin yeni sədri və idarə heyəti seçilib

Budapeşt, 23 iyun, AZƏRTAC

Azərbaycan Macarıstan Məzunlar Birliyinin yeni sədri və idarə heyətinin üzvləri seçilib.

AZƏRTAC xəbər verir ki, əsasnaməyə uyğun olaraq qurumun yeni tərkibinin müəyyən olunması üçün onlayn qaydada seçki keçirilib. Səsvermə əsasında MirGünay Bayramova Azərbaycan-Macarıstan Məzunlar Birliyinin sədri, Hikmət Həsənov, Aysel Məmmədzadə və Murad Aslan sədr müavinləri vəzifələrinə təsdiq olunublar. Digər namizədlərin isə idarə heyətinə üzvlüyü təsdiqlənib.

MirGünay Bayramova Azərbaycan Dövlət İqtisad Universitetinin SABAH qruplarının 2020-ci il, Azərbaycan-Macarıstan Hökumətlərarası Təqaüd Proqramının 2022-ci il magistratura məzunudur. Hazırda peşəkar fəaliyyətini Macarıstanın “Vodafone” şirkətində mütəxəssis olaraq davam etdirir.

AZƏRTAC-a müsahibəsində MirGünay Bayramova yeni fəaliyyət ilində görəcəyi işlərdən danışıb. Bildirib ki, təşkilatın rəhbəri kimi üzvlərin şəbəkələşməsinə, məzunlar arasında effektiv inteqrasiyanın artırılması istiqamətində layihələrin, eləcə də sosial layihələrin həyata keçirilməsinə, uzunmüddətli və perspektivli əməkdaşlığın qurulmasına çalışacaq.

Pərvanə Qarayeva

AZƏRTAC-ın xüsusi müxbiri

Budapeşt 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.