ELM VƏ TƏHSİL


Azərbaycan Memarlıq və İnşaat Universitetinin tələbəsi SOCAR-ın təqaüdünü qazanıb

Bakı, 17 iyul, AZƏRTAC 

Azərbaycan Memarlıq və İnşaat Universitetinin (AzMİU) tələbələri ölkənin aparıcı şirkətlərindən olan SOCAR və “Norm Sement”in ölkə universitetlərinin 2, 3, 4-cü kurs bakalavr və 1-ci kurs magistr tələbələri üçün elan etdiyi daxili təqaüd proqramı və ödənişli yay təcrübə proqramına qatılıblar.

AzMİU-dan AZƏRTAC-a bildirilib ki, tələbələrdən 5-i imtahan və müsahibələrdə uğur əldə edib. Universitetin “SABAH” qruplarının tələbəsi Rəhiməxanım Kazımlı SOCAR-ın təqaüdünü qazanıb. Bir semestr üçün nəzərdə tutulmuş təqaüd SOCAR-da keçiriləcək mükafatlandırma mərasimində tələbəyə təqdim olunacaq. “Norm Sement”in ödənişli yay təcrübə proqramı üzrə universitetin 4 tələbəsi - Mənsur İsmayılov (İnşaat mühəndisliyi), İnci Musayeva (İnşaat mühəndisliyi), Nurlan Qurbanov (Tikinti materialları), Ramin Qənbərli (Tikinti materialları) uğur qazanaraq, şirkətdə təcrübə keçmək imkanı əldə ediblər.

Yay təcrübə proqramı tələbələrə universitetdə öyrəndikləri nəzəri bilikləri tətbiq etmək və iş yerində təcrübə qazanmaq imkanı yaradacaq. Həmçinin seçilən tələbələr nahar və nəqliyyat xidmətindən yararlanacaq. Təcrübəçilərə şirkət tərəfindən proqram müddəti ərzində ödəniş ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.