CƏMİYYƏT


Azərbaycan “Ordu-2019” Forumunda öz ekspozisiyasını təqdim edəcək

Moskva, 24 may, AZƏRTAC

Azərbaycan “Ordu-2019” Beynəlxalq Hərbi-Texniki Forumunda təmsil olunacaq.

AZƏRTAC xəbər verir ki, bu barədə Rusiya Müdafiə Nazirliyinin Baş Elmi-Tədqiqat Fəaliyyəti və Qabaqcıl Texnologiyaların Texnoloji Müşayiəti İdarəsinin rəisi, general-mayor Andrey Qonçarov məlumat verib.

O bildirib ki, “Ordu-2019” Beynəlxalq Hərbi-Texniki Forumunda 10 dövlət, o cümlədən Azərbaycan, Türkiyə, Belarus, Hindistan, Qazaxıstan, Çin öz milli ekspozisiyalarını təqdim edəcəklər.

Gözlənildiyinə görə, forumda 131 xarici nümayəndə heyəti iştirak edəcək.

“Ordu-2019” V Beynəlxalq Hərbi-Texniki Forumu iyunun 25-30-da Moskva vilayətinin “Patriot” mədəniyyət və istirahət parkı ərazisindəki “Patriot-Ekspo” Konqres-Sərgi Mərkəzində keçiriləcək.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.