Azərbaycan Özbəkistan ilə işgüzar dairələr arasında əlaqələrin genişləndirilməsini müzakirə edib

Bakı, 17 iyun, AZƏRTAC

Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Bakıda səfərdə olan Özbəkistanın Ticarət-Sənaye Palatasının rəhbəri Davron Vaxabov ilə görüşüb.

KOBİA-dan AZƏRTAC-a bildirilib ki, Azərbaycan və Özbəkistanın işgüzar dairələri arasında əlaqələrin inkişafına qarşılıqlı marağın ifadə olunduğu görüşdə, birgə tədbirlərin, o cümlədən qarşılıqlı biznes missiyalarının və sektoral dəyirmi masaların təşkilinə, dövlət-özəl sektor tərəfdaşlığı layihələrinə dair məlumat, sahibkarlara xidmətlərin göstərilməsi sahəsində təcrübə mübadiləsi barədə müzakirələr aparılıb.