İDMAN


Azərbaycan Premyer Liqası: “Keşlə” doğma meydanda “Qəbələ” ilə heç-heçə edib

Bakı, 13 mart, AZƏRTAC

Martın 13-də futbol üzrə Azərbaycan Premyer Liqasının XX turuna start verilib.

AZƏRTAC xəbər verir ki, turun ilk oyun günündə “Keşlə” doğma meydanda “Qəbələ”ni qəbul edib.

Baş hakim Ömər Paşayevin idarə etdiyi matçın 32-ci dəqiqəsində Baqali Dabo “Qəbələ”ni hesabda önə çıxarıb. Birinci hissə bu hesab ilə başa çatıb – 1:0.

Fasilədən sonra hesab bərabərləşib. Matçın 59-cu dəqiqəsində Voislav Stankoviç avtoqola imza atıb - 1:1. Komandaların cəhdlərinə baxmayaraq qarşılaşmada qapılara başqa qol vurulmayıb.

Beləliklə, oyun 1:1 hesablı heç-heçə ilə başa çatıb.

Bu görüşdən sonra “Qəbələ” 39 xalla turnir cədvəlində ikinci, “Keşlə” isə 16 xalla yeddinci pillədə qərarlaşıblar.

Martın 14-də isə "Neftçi” və “Qarabağ” klubları üz-üzə gələcəklər. Gününün digər qarşılaşmasında “Səbail” səfərdə “Zirə”nin qonağı olacaq. Turun sonuncu matçında isə “Sumqayıt” və “Kəpəz” klubları qarşılaşacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.