İDMAN


Azərbaycan Premyer Liqası: “Sabah”-“Şamaxı” oyunu heç-heçə yekunlaşıb

Bakı, 3 dekabr, AZƏRTAC

Futbol üzrə Azərbaycan Premyer Liqasında bu gün XVI turun daha bir oyunu keçirilib.

AZƏRTAC xəbər verir ki, günün ikinci matçında “Sabah” komandası “Şamaxı” ilə qarşılaşıb.

Matçda hesabı paytaxt komandası açıb. Görüşün ikinci dəqiqəsində Kristian Sebalyos meydan sahiblərini hesabda önə çıxarıb. Lakin bu futbolçu 24-cü dəqiqədə birbaşa qırmızı vərəqə alaraq meydandan qovulub.

Qarşılaşmanın 75-ci dəqiqəsində isə “Şamaxı” komandasının futbolçusu Elçin Mustafayev qırmızı vərəqə ilə cəzalandırılıb. 88-ci dəqiqədə “Şamaxı”nın heyətində Fuad Bayramov bərabərlik qolunu vurub. Beləliklə, oyun 1:1 hesabı ilə heç-heçə yekunlaşıb.

Bu nəticə ilə “Sabah” xallarının sayını 39-a çatdırıb. “Şamaxı” isə 12 xalla yeddinci pillədədir.

Tura dekabrın 4-də “Kəpəz” – “Sumqayıt” və “Zirə” – “Turan Tovuz” matçları ilə yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.