İDMAN


Azərbaycan Premyer Liqası: ”Zirə” 3 cavabsız qolla üç xal qazanıb

Bakı, 28 noyabr, AZƏRTAC

Noyabrın 28-də futbol üzrə Azərbaycan Premyer Liqasında XII turun növbəti oyunu keçirilib.

AZƏRTAC xəbər verir ki, "Kapital Bank Arena"da "Sumqayıt" klubu "Zirə"ni qəbul edib. FIFA referisi Rauf Cabbarovun idarə etdiyi qarşılaşma qonaqların böyük hesablı qələbəsi ilə yekunlaşıb - 3:0.

Hesabı 14-cü dəqiqədə Təmkin Xəlilzadə açıb. O, Höccət Haqverdinin Loris Bronyoya qarşı kobud oyununa görə təyin edilmiş penaltini dəqiq yerinə yetirib.

Matçın 30-cu dəqiqəsində Qismət Alıyev çempionatın səkkiz qolla ən yaxşı bombardiri Davit Volkovun ötürməsini qola çevirib.

Qarşılaşmanın 79-cu dəqiqəsində isə Coşqun Diniyev uzaqdan dəqiq zərbə ilə matçda son nöqtəni qoyub.

Bu qələbə sayəsində xalını 22-yə çatdıran "Zirə" ikinci pilləyə yüksəlib. "Sumqayıt" isə 11 xalla 6-cı pillədə qalıb.

Qeyd edək ki, tura noyabrın 27-də start verilib. "Sabah" klubu “Keşlə"ni 2:1, "Neftçi" komandası "Səbail"i 1:0 hesabı ilə yenib. Son qarşılaşma noyabrın 29-da "Qəbələ" və "Qarabağ" komandaları arasında olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.