İDMAN


Azərbaycan Premyer Liqasında beşinci turun oyun cədvəli müəyyənləşib

Bakı, 14 sentyabr, AZƏRTAC

Futbol üzrə Azərbaycan Premyer Liqasında beşinci turun oyun cədvəli müəyyənləşib.

AZƏRTAC xəbər verir ki, iki günü əhatə edəcək turun görüşləri “CBC Sport” kanalı vasitəsilə canlı yayımlanacaq.

Sentyabrın 16-da start götürəcək turun ilk günündə “İnter” klubu “Sumqayıt” komandasını qəbul edəcək. “İnter Arena”da keçiriləcək görüş saat 16:30-da başlayacaq.

Günün ikinci matçında isə paytaxtın “Neftçi” komandası doğma meydanda “Zirə”ni qəbul edəcək. “Bakcell Arena” təşkil ediləcək görüşə saat 19:00-da start veriləcək.

Sentyabrın 17-da Premyer Liqada növbəti oyun “Qarabağ” – “Kəpəz” kollektivləri arasında olacaq. Saat 18:30-da start götürəcək qarşılaşma Tofiq Bəhramov adına Respublika stadionunda oynanılacaq.

Həmin gün digər paytaxt təmsilçisi “Səbail” klubu “Qəbələ” ilə görüşəcək. “Dalğa Arena”da keçiriləcək matç 21:00-da başlayacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.