İDMAN


Azərbaycan Premyer Liqasının XVII turunun oyunlarına hakim təyinatları açıqlanıb

Bakı, 12 fevral, AZƏRTAC

Futbol üzrə Topaz Premyer Liqasının XVII turunun oyunlarını idarə edəcək hakimlər müəyyənləşib.

AZƏRTAC Peşəkar Futbol Liqasının saytına istinadla xəbər verir ki, fevralın 16-da saat 15:00-da başlayacaq “Keşlə”–“Sumqayıt” qarşılaşmasını Rauf Cabbarov idarə edəcək. Həmin gün saat 17:30-da start götürəcək “Zirə”–“Neftçi” görüşünün baş hakimi Səbuhi Bayramov olacaq.

Fevralın 17-də saat 15:00-da başlayacaq “Səbail”–“Sabah” matçının idarə olunması Rəvan Həmzəzadəyə həvalə edilib. Saat 17:30-da start götürəcək turun sonuncu görüşündə - “Qarabağ”–“Qəbələ” oyununda baş hakim funksiyasını Rəhim Həsənov yerinə yetirəcək.

Turun bütün görüşləri “CBC Sport” televiziyasında birbaşa yayımlanacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.