İQTİSADİYYAT


Azərbaycan-Qazaxıstan Hökumətlərarası Komissiyasının hazırlıq iclası keçirilib

Nur-Sultan, 31 iyul, AZƏRTAC

Azərbaycan və Qazaxıstan arasında ticarət-iqtisadi əməkdaşlıq üzrə Birgə Hökumətlərarası Komissiyanın hər iki ölkənin Energetika naziri müavinlərinin rəhbərliyi ilə ekspertlər qrupunun iclası keçirilib.

AZƏRTAC xəbər verir ki, toplantı Hökumətlərarası Komissiyanın həmsədrlərinin iştirakı ilə yaxın zamanlarda keçirilməsi planlaşdırılan görüşünə hazırlıq xarakteri daşıyıb. Videokonfrans formatında baş tutan iclasda Azərbaycanın Qazaxıstandakı və bu ölkənin Azərbaycandakı səfirləri də iştirak edib.

Görüşdə ticarət və iqtisadi əməkdaşlığın perspektivləri, Qazaxıstanda fəaliyyət göstərən Azərbaycan şirkətlərinin gələcək fəaliyyətlərinə dair fikir mübadiləsi aparılıb.

Xatırladaq ki, Azərbaycan və Qazaxıstan arasında ticarət-iqtisadi əməkdaşlıq üzrə Birgə Hökumətlərarası Komissiyanın həmsədrləri Azərbaycanın Energetika naziri Pərviz Şahbazov və Qazaxıstanın Energetika naziri Nurlan Noqayevdir. Komissiyanın 16-cı toplantısı ötən ilin oktyabr ayında Bakıda keçirilib.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.