SİYASƏT


Azərbaycan-Tacikistan münasibətlərinin inkişafı məsələləri müzakirə olunub

Düşənbə, 20 oktyabr, АZƏRTAC

Azərbaycanın Tacikistandakı səfiri Əlimirzamin Əskərov ilə bu ölkənin Xarici İşlər Nazirliyinin MDB ölkələri idarəsinin rəisi Axmad Saidmurodov arasında görüş keçirilib.

AZƏRTAC xəbər verir ki, görüş zamanı idarə rəisi yeni təyinatı ilə bağlı səfiri təbrik edib və ona gələcək fəaliyyətində uğurlar arzulayıb.

A.Saidmurodov Azərbaycan və Tacikistan arasında mövcud olan yüksək səviyyəli əməkdaşlığın gələcəkdə daha da inkişaf etdirilməsi perspektivlərindən danışıb və yeni səfirin fəaliyyəti dövründə bu istiqamətdə uğurlu nəticələrin əldə olunacağına əminliyini bildirib.

Səfir ikitərəfli münasibətlərin genişləndirilməsi üçün səylərini əsirgəməyəcəyini və bütün sahələr üzrə əməkdaşlığın inkişafı istiqamətində müvafiq addımların atılacağını qeyd edib.

Görüşdə, həmçinin ölkələr arasında ticari-iqtisadi münasibətlərin hazırkı səviyyəsi və inkişaf etdirilməsi yolları, qarşılıqlı səfərlərin sayının artırılması kimi məsələlər müzakirə edilib, eləcə də müxtəlif sahələrdə ikitərəfli münasibətlərin cari vəziyyəti və perspektivlərinə dair fikir mübadiləsi aparılıb.

Qulu Kəngərli

AZƏRTAC-ın xüsusi müxbiri

Düşənbə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.