ELM VƏ TƏHSİL


Azərbaycan Texniki Universiteti Avropa ali məktəblərinin beynəlxalq layihələrində iştirak edəcək

Bakı, 30 oktyabr, AZƏRTAC

İngiltərənin Aberistuit Dövlət Universitetinin beynəlxalq əlaqələr departamentinin nümayəndəsi Murtuza Əli Qəznavi Azərbaycan Texniki Universitetində olub.

AzTU-dan AZƏRTAC-a bildirilib ki, görüşdə beynəlxalq əlaqələr üzrə prorektor, professor Sübhan Namazov AzTU-nun yaranma tarixi, yüksək ixtisaslı mühəndis kadrların hazırlığı sahəsindəki fəaliyyəti, beynəlxalq əlaqələri barədə danışıb. Bildirib ki, AzTU ilə Avropa universitetləri arasındakı əlaqələr genişləndikcə elmi tərəqqinin nəticəsi olaraq iqtisadiyyatda yeni inkişaf prosesi yaranır. Prorektor universitetin son nailiyyətləri və həyata keçirilən beynəlxalq layihələri barədə məlumat verib.

Təmsil etdiyi universitetin fəaliyyət istiqamətlərindən danışan Murtuza Əli Qəznavi AzTU ilə əməkdaşlığın əhəmiyyətini vurğulayıb. Həmçinin Aberistuit Dövlət Universitetində və Avropanın aparıcı ali məktəblərində həyata keçirilən layihələrdə AzTU-nun iştirakının vacibliyini qeyd edib.

Görüşdə ali məktəblər arasında təhsil, elmi-tədqiqat, akademik mübadilələr sahəsində beynəlxalq əməkdaşlığın perspektivləri müzakirə olunub və əməkdaşlıq müqaviləsinin ilkin razılığı əldə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.