ELM VƏ TƏHSİL


Azərbaycan Texniki Universiteti ilə “İçərişəhər” Dövlət Tarix-Memarlıq Qoruğu İdarəsi arasında işgüzar görüş

Bakı, 23 may, AZƏRTAC

“İçərişəhər” Dövlət Tarix-Memarlıq Qoruğu İdarəsinin İdarə Heyətinin sədri Şahin Seyidzadə Azərbaycan Texniki Universitetinin (AzTU) rektoru professor Vilayət Vəliyevin rəhbərlik etdiyi nümayəndə heyəti ilə görüş keçirib.

AzTU-dan AZƏRTAC-a bildirilib ki, Şahin Seyidzadə İçərişəhər ərazisində və Qala qoruğunda avtomobillərin giriş-çıxışının və parklanmasının daha effektiv təşkili məqsədilə aparılan təhlilləri müzakirə edib.

Müzakirə zamanı piyadaların qoruqların ərazisində rahat hərəkət etməsi, avtomobillərin giriş-çıxış və parklanması üçün lazımi şəraitin yaradılmasının zəruriliyinə də toxunulub.

AzTU-nun rektoru professor Vilayət Vəliyev bildirib ki, İçərişəhər ərazisində və Qala qoruğunda mobilliyin artırılması məqsədilə qədim şəhərlərdə mövcud vəziyyətə uyğun araşdırmalar aparılacağı və ona uyğun təkliflər hazırlanacağı planlaşdırılır.

Görüşdə digər məsələlər müzakirə olunaraq, “İçərişəhər” Dövlət Tarix-Memarlıq Qoruğu İdarəsi ilə AzTU arasında gələcəkdə əməkdaşlıq əlaqələri istiqamətində fikir mübadiləsi aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.