ELM VƏ TƏHSİL


Azərbaycan Texniki Universitetində “Açıq qapı” günləri davam edir

Bakı, 25 fevral, AZƏRTAC

Azərbaycan Texniki Universitetində (AzTU) Bakı məktəbliləri üçün onlayn “Açıq qapı” günü keçirilib.

Universitetdən AZƏRTAC-a bildirilib ki, “Açıq qapı” günündə AzTU-nun əməkdaşları, Bakı məktəblərinin müəllimləri və XI sinif şagirdləri iştirak ediblər. Tədbirdə çıxış edən AzTU-nun Tələbələrlə və abituriyentlərlə işin təşkili sektorunun müdiri Əsmər Nəbiyeva universitetdə həyata keçirilən layihənin əsas məqsədindən danışıb. Bildirilib ki, AzTU-nun məktəblilərə daha yaxından tanıdılması, universitetin fakültələri, ixtisasları barədə məlumatların verilməsi, abituriyentlərin müxtəlif sosial sahələrdə aktivliyi, araşdırma bacarığının, startap layihələrə marağının artırılması üçün belə görüşlər mütəmadi olaraq keçiriləcək.

Görüşdə Nəqliyyat və logistika fakültəsinin dekan müavini, baş müəllim Sahib Əsgərov, Maşınqayırma və robototexnika fakültəsinin dekanı dosent Ərəstun Məmmədov, Metallurgiya və materialşünaslıq fakültəsinin dekanı, dosent Nizami Poladov, İnformasiya və telekommunikasiya texnologiyaları fakültəsinin baş müəllimi Vüqar Hüseynli, Xüsusi texnika və texnologiya fakültəsinin dosenti Rafiq Sadıqov təqdimatla çıxış edərək məktəblilərə fakültələr və ixtisaslar, ikili diplom proqramları, tələbə həyatı, karyera imkanları və gənc tədqiqatçıların uğurlu layihələri haqqında məlumat veriblər.

Qeyd edək ki, “Açıq qapı” günləri Bakı və regionlarda təhsil alan XI sinif şagirdləri üçün mütəmadi olaraq keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.