ELM VƏ TƏHSİL


Azərbaycan Texniki Universitetində təkrar ali təhsil üçün sənəd qəbulu onlayn formada həyata keçirilir

Bakı, 18 may, AZƏRTAC

Azərbaycan Texniki Universiteti (AzTU) 2021/2022-ci tədris ilində 26 ixtisas üzrə qiyabi formada təkrar ali təhsil almaq üçün sənəd qəbulu həyata keçirilir.

AzTU-dan AZƏRTAC-a bildirilib ki, sənədlərin qəbulu avqustun 31-dək onlayn formada aparılır. Universitetdə beynəlxalq ticarət və logistika, iqtisadiyyat, marketinq, menecment, cihaz mühəndisliyi, ekologiya mühəndisliyi, elektrik və elektronika mühəndisliyi, energetika mühəndisliyi, həyat fəaliyyətinin təhlükəsizliyi mühəndisliyi, informasiya təhlükəsizliyi, informasiya texnologiyaları, kompüter, habelə kimya, logistika və nəqliyyat texnologiyaları, maşın, materiallar, mədən, metallurgiya, mexanika, mexatronika və robototexnika sahələri üzrə mühəndis, eləcə də mühəndis fizikası, nəqliyyat, proseslərin avtomatlaşdırılması, radiotexnika və telekommunikasiya, sənaye mühəndisliyi, nəqliyyatda servis (avtomobil nəqliyyatı üzrə) ixtisasları üzrə qəbul aparılır.

Təkrar ali təhsil almaq istəyənlər tələb olunan sənədləri www.aztu.edu.az saytının əlavə və distant təhsil bölməsindən və ya müvafiq linkdən qeydiyyatdan keçib yükləyə bilər. Həmçinin rektorun adına ərizə, diplom və əlavəsinin surəti, şəxsiyyət vəsiqəsinin surəti, 3 ədəd fotoşəkil ( 3x4 ölçüdə) təqdim edilməlidir.

1993-cü ildən sonra xaricdə ali təhsil almış məzunlar müvafiq diplomların Azərbaycan Respublikası ərazisində tanınması və ekvivalentliyi barədə Təhsil Nazirliyi tərəfindən verilmiş şəhadətnamənin surətini təqdim etməlidir.

Təkrar ali təhsil ödənişli əsaslarla aparılır və təhsil haqqı ixtisaslara uyğun olaraq müqavilə əsasında ödənilir.

Qeyd edək ki, hər hansı ixtisas üzrə sənədləri təqdim edən vətəndaşların sayı 7 nəfərdən az olduğu təqdirdə həmin ixtisas üzrə qəbul prosesi aparılmır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.