ELM VƏ TƏHSİL


Azərbaycan Texniki və Macarıstanın Debresen universitetləri əməkdaşlıq edəcək

Bakı, 18 oktyabr, AZƏRTAC

Oktyabrın 18-də Macarıstanın Debresen Universitetinin Beynəlxalq əlaqələr üzrə direktoru, professor Laszlo Erdey Azərbaycan Texniki Universitetində (AzTU) olub.

AzTU-dan AZƏRTAC-a bildirilib ki, qonağı qəbul edən AzTU-nun Beynəlxalq əlaqələr üzrə prorektoru, professor Sübhan Namazov universitetin tarixi, fəaliyyəti, fakültələri və beynəlxalq əlaqələri haqqında məlumat verib.

Professor Laszlo Erdey təmsil etdiyi ali təhsil müəssisəsinin beynəlxalq əlaqələrindən və inkişaf mərhələlərindən danışıb. O, AzTU ilə yaxından tanış olduğunu və hər iki universitetdə uyğun ixtisaslar olduğu üçün əməkdaşlıq etmək niyyətində olduqlarını bildirib.

Görüşdə iki universitet arasında əməkdaşlıq sahələri - təhsil, ikili diplom, müəllim-tələbə mübadiləsi, birgə elmi tədqiqat işləri, nəşr, layihələrin həyata keçirilməsi və digər məsələlər müzakirə olunub, əməkdaşlıq barədə ilkin razılıq əldə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.