CƏMİYYƏT


Azərbaycan Tibb Universitetində “Qaraciyər elastoqrafiyası” kursu keçirilib

Bakı, 15 may, AZƏRTAC 

Azərbaycan Tibb Universiteti (ATU) rezidentlərinin VII elmi-təcrübi konfransı (ATUREK-7) ilə bağlı ATU-nun I cərrahi xəstəliklər kafedrasında “Qaraciyər elastoqrafiyası” kursu keçirilib.

Universitetin mətbuat xidmətindən AZƏRTAC-a bildiriblər ki, kursun rəhbəri və icraçısı, kafedranın assistenti, tibb üzrə fəlsəfə doktoru Sevinc Salahova elastoqrafiyanın əsasları, qaraciyər elastoqrafiyasına göstərişlər və kliniki əhəmiyyəti barədə məruzə ilə çıxış edib.

Məruzədən sonra rezidentlər elastoqrafiyanın xəstə üzərində tətbiqində iştirak ediblər.

Tədbirin sonunda kursu uğurla bitirən rezidentlərə kafedranın müdiri, Azərbaycan Milli Elmlər Akademiyasının müxbir üzvü, professor Nuru Bayramov tərəfindən sertifikatlar təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.