CƏMİYYƏT


Azərbaycan Tibb Universitetinin Tədris Cərrahiyyə Klinikası və Almaniyanın Heidelberq Universitetinin əməkdaşları seminar keçiriblər

Bakı, 30 mart, AZƏRTAC

Azərbaycan Tibb Universitetinin (ATU) Tədris Cərrahiyyə Klinikası ilə Almaniyanın Heidelberq Universitetinin Manhaym Tibb Mərkəzinin Cərrahiyyə Klinikasının əməkdaşlarının birgə iştirakı ilə növbəti seminar təşkil olunub.

Universitetin mətbuat xidmətindən AZƏRTAC-a bildiriblər ki, onlayn formatda keçirilən tədbir kolorektal cərrahiyyədə müasir yanaşmaların müzakirəsinə həsr olunub. Toplantıda bağırsaq xərçəngi ilə bağlı cərrahiyyənin yeni metodları, dünyada və ölkəmizdə kolorektal cərrahiyyənin vəziyyəti, bu sahədəki tibbin son yenilikləri haqqında müzakirələr aparılıb. ATU-nun Tədris Cərrahiyyə Klinikasının direktoru, professor Surxay Hadıyev, ATU-nun ümumi cərrahiyyə kafedrasının müdiri Elçin Ağayev və kafedranın əməkdaşı Elman Əzimov kolorektal cərrahiyyədə azərbaycanlı həkimlərin təcrübəsi haqqında çıxış ediblər. Hər iki tərəfdən iştirak edən mütəxəssislər kolorektal xəstəliklərin müalicəsində yeni yanaşmalar barədə fikirlərini açıqlayıblar.

Qeyd edək ki, tədbir Azərbaycan Tibb Universiteti və Almaniyanın Heidelberq Universitetinin Manhaym Tibb Mərkəzinin Cərrahiyyə Klinikaları arasında imzalanmış memorandum çərçivəsində təşkil olunub. Bu sənəd hər iki klinikanın əməkdaşları arasında müxtəlif formatlı əməkdaşlığı nəzərdə tutur. Gələcəkdə ATU-nun Tədris Cərrahiyyə Klinikası ilə Almaniyanın Heidelberq Universitetinin Manhaym Tibb Mərkəzinin Cərrahiyyə Klinikasının təmsilçilərinin birgə iştirakı ilə bu cür müzakirələrin davam etdirilməsi planlaşdırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.