CƏMİYYƏT


Azərbaycan Tibb Universitetinin nümayəndəsi Avropa Kardioloqlar Birliyinin diplomuna layiq görülüb

Bakı, 22 oktyabr, AZƏRTAC

Azərbaycan Tibb Universitetinin (ATU) kliniki farmakologiya kafedrasının assistenti, tibb elmləri namizədi Arzu Bəydəmirova Avrasiya Kardioloqlar Birliyinin Rusiyanın paytaxtı Moskvada keçirilən konfransında iştirak edib.

ATU-nun mətbuat xidmətindən AZƏRTAC-a bildiriblər ki, beynəlxalq tədbirdə A.Bəydəmirova “Aşağı fraksiyalı ürək çatışmazlığı olan yaşlı xəstələrdə sakubitril/valsartan preparatının (yuperio) sol mədəciyin arterial parametrlərinə təsirinin tədqiqi” mövzusunda məruzə ilə çıxış edib. Mövzu aktuallığına və işlənmə metoduna görə münsiflər heyəti tərəfindən fərqləndirilib və diploma layiq görülüb.

Qeyd edək ki, 800-dən çox mütəxəssisin iştirak etdiyi tədbirin plenar iclası internet vasitəsilə canlı yayımlanıb. Toplantıda müxtəlif ürək xəstəliklərinin diaqnostikası və müalicəsi, xüsusilə ürək çatışmazlığının farmakoterapiyasında təsadüf edilən yeniliklərlə bağlı geniş müzakirələr təşkil olunub. Müxtəlif ölkələrdən olan kardioloqlar fərqli mövzularla əlaqədar fikir mübadiləsi aparıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.