CƏMİYYƏT


Azərbaycan Tibb Universitetinin rezidentləri üçün növbəti elmi-praktik seminar keçirilib

Bakı, 8 may, AZƏRTAC 

Azərbaycan Tibb Universitetinin (ATU) rezidentləri üçün növbəti elmi-praktik seminar keçirilib.

Universitetin mətbuat xidmətindən AZƏRTAC-a bildiriblər ki, tədbirdə çıxış edən ATU-nun Tədris Cərrahiyyə Klinikasının rezidentlər üzrə məsul şəxsi, I cərrahi xəstəliklər kafedrasının assistenti, tibb üzrə fəlsəfə doktoru Azər Hümmətov seminarın mövzusu və məruzəçiləri haqqında məlumat verib.

Sonra Respublika Endokrinoloji Mərkəzindən rotasiyaya gəlmiş endokrinoloq ixtisası üzrə rezidentlər Nigar Qafarova, Günay Məmmədova, Rəna Xalıqverdiyeva və Nərmin Abbasovanın məruzələri dinlənilib. Məruzəçilər “Qalxanabənzər vəzi xəstəlikləri”, “Hamiləlik zamanı qalxanabənzər vəzidə düyünlər” və “Yod çatışmazlığı” mövzularında çıxış ediblər.

Məruzəçi rezidentlər əsasən endokrinoloji xəstəliklər zamanı müalicənin daha səmərəli aparılması yollarından söhbət açıblar. Onlar tibbin bu sahəsi üzrə dünyada tətbiq olunan ən müasir metodlara uyğun aparılan yeni müalicə üsulları barədə ətraflı məlumat veriblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.