İDMAN


Azərbaycan “Tokio 2020” XVI Yay Paralimpiya Oyunlarına beşinci lisenziyanı qazanıb

Bakı, 8 noyabr, AZƏRTAC

Paralimpiyaçımız Kamil Əliyev Dubayda keçirilən paraatletika üzrə dünya çempionatının birinci günündə uğurla çıxış edib.

Azərbaycan Milli Paralimpiya Komitəsindən AZƏRTAC-a bildiriblər ki, K.Əliyev uzunluğa tullanma üzrə T-12 kateqoriyasında 7 metrlik nəticə göstərib. Bu nəticə ilə dünya çempionatında üçüncü yerə çıxan idmançımız “Tokio 2020” XVI Yay Paralimpiya Oyunlarına lisenziya qazanıb.

Beləliklə, Paralimpiya Oyunlarına lisenziya qazanan idmançılarımızın sayı beşə çatıb.

Dünya çempionatı noyabrın 15-dək davam edəcək. Növbəti günlərdə digər idmançılarımız da yarışa qatılacaqlar. Bundan əvvəl Yelena Taranova və Kamran Zeynalov güllə atıcılığı, Elşən Hüseynov parapauerliftinq, Roman Saley isə paraüzgüçülük üzrə lisenziyanı təmin ediblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.