REGİONLAR


Azərbaycan Torpaqqoruyucu əkinçilik üzrə 8-ci dünya konqresində təmsil olunub

Bakı, 24 iyun, AZƏRTAC

İsveçrənin Bern şəhərində “Gələcəyin əkinçiliyi, resursqoruyucu kənd təsərrüfatı ilə rentabelli və dayanıqlı əkinçilik” mövzusunda onlayn formatda Torpaqqoruyucu əkinçilik üzrə 8-ci Dünya Konqresi keçirilib. Konfransda 100-dən çox ölkəni və beynəlxalq elmi cəmiyyətləri təmsil edən mütəxəssislər, tədqiqatçılar, elm adamları və fermerlər iştirak ediblər. Tədbirdə Azərbaycanı Kənd Təsərrüfatı Nazirliyinin Bitkiçiliyin təşkili və monitorinqi şöbəsinin müdiri İmran Cümşüdov və Aqrar Elm və İnnovasiya Mərkəzinin Hüquq, kadr və kargüzarlığın təşkili şöbəsinin müdiri Yaqub Quliyev təmsil ediblər.

Nazirliyin İctimaiyyətlə əlaqələr və informasiya təminatı şöbəsindən AZƏRTAC-a bildirilib ki, tədbirdə resursqoruyucu əkinçiliyin torpağın flora və faunasına, strukturuna, xüsusiyyətlərinə, ətraf mühitə, biki məhsuldarlığına və sair göstəricilərə təsiri barədə məruzəçilər tərəfindən çoxsaylı təqdimatlar edilib, aparılmış uzunmüddətli tədqiqat nəticələri barədə məlumat verilib. İ.Cümşüdov konfransda məruzəçi kimi “Adi və tirəyə əkin torpaqbecərmə üsullarının payızlıq buğda sortlarının inkişafına təsiri” mövzusundu təqdimatla çıxış edib.

Gələcəyin əkinçiliyi kimi qəbul edilən resursqoruyucu torpaqbecərmə üsullarının xüsusilə iqlim dəyişikliyinin mənfi təsiri və suvarma suyu qıtlığı ilə üzləşən ölkələrdə kənd təsərrüfatının dayanıqlı inkişafında rolu vurğulanıb, son illərdə dünyada, o cümlədən Avropada, xüsusilə Cənubi Amerika ölkələrində torpaqqoruyucu əkinçilik altında olan əkin sahələrinin ilbəil artdığı qeyd olunub.

Təqdimatlardan sonra təşkil edilən plenar müzakirələrdə iştirakçılar tərəfindən qaldırılan məsələlər və suallar ətrafında geniş fikir mübadiləsi aparılıb.

Qeyd edək ki, konfrans Torpaqqoruyucu Əkinçilik üzrə Avropa Federasiyası və İsveçrənin Şumsuz Əkinçilik Assosiasiyasının təşkilatçılığı, eləcə də BMT-nin Ərzaq və Kənd Təsərrüatı Təşkilatının (FAO) texniki əməkdaşlığı, həmçinin Life Agromitiga və Agoro Carbon Alliance təşkilatının dəstəyi ilə baş tutub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.