MƏDƏNİYYƏT


Azərbaycan Turizm Bürosu beynəlxalq platformada mükafatlandırılıb

Bakı, 23 oktyabr, AZƏRTAC

Azərbaycan Turizm Bürosu “Ən perspektivli turizm bürosu” nominasiyası üzrə mükafata layiq görülüb.

Dövlət Turizm Agentliyindən AZƏRTAC-a bildirilib ki, mükafat Birləşmiş Ərəb Əmirliyinin Dubay şəhərində keçirilən “Ərəb Səyahət Mükafatı 2019” platforması çərçivəsində təqdim edilib.

Mərasimdə qeyd edilib ki, son illərdə Azərbaycana Yaxın Şərq və Şimali Afrika bölgəsindən gələn turistlərin sayı çoxluq təşkil edir və bu artım gələcəkdə də müşahidə edilə bilər.

Platformanın icraçı direktoru San Jit diqqətə çatdırıb ki, Yaxın Şərq bölgəsi 2018-ci ildə 87 milyondan çox turist qəbul edib.

Tədbirdə, həmçinin 60-dan çox nominasiya üzrə mükafatlandırma mərasimi baş tutub.

Nominantlar “Ən yaxşı hotel”, “Ən yaxşı viza asanlaşdırma şirkəti”, “Ən yaxşı aviaşirkət”, “Ən innovativ səyahət idarəetmə şirkəti”, “Ən yaxşı B2B səyahət portalı” və s. kimi nominasiyalar üzrə mükafatlandırılıblar.

2017-ci ildən etibarən hər il keçirilən “Ərəb Səyahət Mükafatı” platforması Yaxın Şərq və Şimali Afrika bölgəsinin turizm və qonaqpərvərlik sənayesi üzrə ixtisaslaşmış şirkətlərini bir araya toplayır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.