MƏDƏNİYYƏT


Azərbaycan Turizm Bürosunun rəqəmsallaşma layihəsinə sənəd qəbulunun müddəti uzadılıb

Bakı, 25 sentyabr, AZƏRTAC

Azərbaycan Turizm Bürosunun ölkədə gəlmə turizmi ilə məşğul olan şirkətlərə postpandemiya dövründə fəaliyyətlərinə dəstək olmaq, həmçinin bu sahədə innovativ və rəqəmsal yanaşmanı inkişaf etdirmək məqsədilə başlatdığı layihəyə sənəd qəbulunun müddəti uzadılıb.

Dövlət Turizm Agentliyindən AZƏRTAC-a bildirilib ki, daha çox şirkətin layihənin imkanlarından yararlanması üçün müraciət müddəti 9 oktyabradək artırılıb.

Xatırladaq ki, sentyabrın 8-də start verilən layihənin əsas məqsədi turizm destinasiyası kimi Azərbaycan və onun turizm imkanları haqqında məlumatların onlayn rejimdə rəqəmsal platformalarda yerləşdirilməsini təmin edən layihələrə dəstək göstərilməsidir.

Layihə Azərbaycan Turizm Agentlikləri Assosiasiyası (ATAA) və Azərbaycan Turizm Assosiasiyası (AZTA) ilə birgə həyata keçirilir.

Proqram yalnız xüsusi meyarlara cavab verən gəlmə turizmi ilə məşğul olan şirkətlər üçün nəzərdə tutulub.

Məlumat üçün bildirək ki, müraciətlər yeni layihələrlə, həmçinin mövcud olan onlayn layihələrə əlavə kimi və ya hazır platformaların təkmilləşdirilməsi ilə bağlı ola bilər.

Müraciət və iştirak meyarları barədə ətraflı məlumat üçün https://tourismboard.az/az/page/522-reqemsallasdirilma-layihesi  keçidinə daxil ola bilərsiniz.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.