ELM VƏ TƏHSİL


Azərbaycan Turizm və Menecment Universiteti akademik heyətin işə qəbul müsabiqəsini elan edir

Bakı, 30 iyul, AZƏRTAC 

Azərbaycan Turizm və Menecment Universiteti 2020-2021-ci tədris ili üçün Turizm və qonaqpərvərlik fakültəsinin müvafiq ixtisasları üzrə müxtəlif fənlərin tədrisini aparmaq məqsədilə akademik heyətin işə qəbul müsabiqəsini elan edir.

Universitetdən AZƏRTAC-a bildirilib ki, müsabiqə üç mərhələdən - sənədlərin qəbulu, müsahibə və sınaq dərslərinin keçirilməsindən ibarət olacaq.

Namizədlərə aid tələblər:

- Fənn blokuna uyğun elmi dərəcəsi (magistr, fəlsəfə və elmlər doktoru);

- Müasir tədris standartlarına uyğun sillabus və fənn materiallarını hazırlama bacarıqları;

-Tələbəyönümlü tədris metodikası;

- Kompüter biliyi: Ofis proqramlarında (xüsusilə, Microsoft Word, Excel və Power Point) sərbəst işləmək bacarığı.

Tələb olunan sənədlər:

- Doldurulmuş müraciət və sillabus formaları;

- Şəxsiyyət vəsiqəsinin elektron surəti;

- Diplom(lar) və ona əlavə(lər)in elektron surətləri (xaricdə təhsil alanlar isə diplomla yanaşı həmin sənədin tanınmasına dair şəhadətnamənin elektron surətini təqdim etməlidirlər).

Namizədlərdən tələb olunan sənədləri [email protected] elektron ünvanına göndərmələri xahiş olunur. Müraciətlərin göndərilməsi üçün son tarix 2020-ci il avqustun 20-dir.

Namizədlərin hər hansı sualı yaranarsa (+99412) 564 42 33 (daxili nömrə 115) telefon nömrəsi və ya [email protected]  vasitəsilə əlaqə saxlaya bilərlər.

Qeyd: Namizədin göstəriciləri vəzifə tələblərinə uyğun gəlmədikdə və ya müraciət müddəti bitdikdə sənədlərə baxılmayacaq.

Ətraflı məlumatla universitetin rəsmi “Facebook” və “Instagram” səhifələrində tanış olmaq mümkündür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.