İQTİSADİYYAT


Azərbaycan-Ukrayna münasibətlərinə həsr olunan poçt bloku buraxılıb

Bakı, 5 dekabr, AZƏRTAC

“Azərpoçt” MMC-də Azərbaycan və Ukrayna arasında diplomatik əlaqələrin yaranmasının 30 illiyinə həsr edilən xüsusi poçt markalarının təqdimatı olub.

Rəqəmsal İnkişaf və Nəqliyyat Nazirliyindən AZƏRTAC-a bildirilib ki, Ukraynanın Azərbaycandakı səfirliyinin təşəbbüsü və ölkəmizin Xarici İşlər Nazirliyinin dəstəyi ilə buraxılmış poçt blokunda “Azərbaycan–Ukrayna diplomatik münasibətlərinin 30 illiyi” sözləri qeyd edilib. İki marka və bir kupondan ibarət poçt blokunda hər iki ölkənin bayraqları, eləcə də Petrikovka təsvirləri (Ukraynanın dekorativ – naxışlı xalq rəsmləri) və Şəki xan sarayına aid ornamentlər əks olunub.

Təqdimat mərasimində Ukraynanın Azərbaycandakı fövqəladə və səlahiyyətli səfiri Vladislav Kanevski çıxış edərək iki ölkə arasında münasibətlərin son illər daha da güclənməsindən məmnunluğunu ifadə edib.

“Azərpoçt” MMC-nin İdarə Heyətinin sədri Əfqan Cəlilov isə dost ölkə ilə poçt sahəsində əməkdaşlığın daim inkişaf etdirilməsi üçün səylər göstərilməsinin vacibliyini vurğulayıb.

Xüsusi poçt bloku 4000 tirajla və 200 ədəd “Birinci gün” zərfi ilə birgə buraxılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.