ELM VƏ TƏHSİL


Azərbaycan Universitetində ümummilli lider Heydər Əliyevin xatirəsi anılıb

Bakı, 10 may, AZƏRTAC

Azərbaycan Universitetində ümummilli lider Heydər Əliyevin anadan olmasının 96-cı ildönümü münasibətilə anım tədbiri keçirilib.

Universitetdən AZƏRTAC-a bildirilib ki, əvvəlcə tədbir iştirakçıları Fəxri Xiyabana gedərək ümummilli lider Heydər Əliyevin xatirəsini ehtiramla yad edib, məzarı önünə gül dəstələri qoyublar. Universitetin tədris binasının foyesində Ulu Öndərin büstü önünə əklil qoyulub, xatirəsi ehtiramla yad edilib.

Tədbirdə ümummilli lider Heydər Əliyevin Azərbaycana siyasi rəhbərliyinin hər iki dövründə Azərbaycanın iqtisadi, sosial və mədəni tərəqqisi, dövlət quruculuğu, müstəqilliyin qorunub saxlanması və möhkəmləndirilməsi, dövlətimizin beynəlxalq nüfuzunun gücləndirilməsi sahəsində gördüyü işlərə nəzər salınıb. Qeyd olunub ki, müasir və müstəqil Azərbaycan Ulu Öndərin şah əsəridir. Azərbaycanın ən yeni tarixinin uğurları və inkişafı onun adı ilə birbaşa bağlıdır.

Sonra tanınmış jurnalist, professor Etibar Babayev görkəmli dövlət xadimi Heydər Əliyevlə bağlı xatirələrini bölüşüb. Etibar Babayevin Ümummilli Liderə həsr etdiyi “Zirvə” adlı müəllif proqramı nümayiş etdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.