SİYASƏT
Azərbaycan Xalq Cümhuriyyətinin 100 illiyi Zaqrebdə qeyd edilib VİDEO
Zaqreb, 23 may, AZƏRTAC
Azərbaycanın Xorvatiyadakı səfirliyinin təşkilatçılığı ilə Azərbaycan Xalq Cümhuriyyətinin yaranmasının 100 illiyi münasibətilə Zaqrebdə tədbir keçirilib.
AZƏRTAC xəbər verir ki, 250-dən çox qonağın qatıldığı mərasimdə Xorvatiya Respublikası Xarici və Avropa İşləri Nazirliyinin dövlət katibi xanım Zdravka Buşiç iştirak edib. Bununla yanaşı, mərasimə bu ölkənin sabiq prezidentləri Stepan Mesiç və İvo Yosipoviç, Xorvatiya Prezidentinin xarici məsələlər üzrə müşaviri Dario Mihelin, xarici və Avropa işləri nazirinin müavini Vitse Skraçiç, Varajdin şəhəri Merinin müavini Sandra Malenitsa, eləcə də digər yüksək səviyyəli hökumət və dövlət nümayəndələri, Xorvatiya parlamentinin deputatları, Xorvatiya Respublikasında akkreditə olunmuş diplomatik korpusun əməkdaşları, Azərbaycan–Xorvatiya Dostluq Qrupunun üzvləri, ölkə ictimaiyyətinin tanınmış simaları qatılıblar.
Əvvəlcə hər iki ölkənin dövlət himnləri səsləndirilib.
Azərbaycanın Xorvatiyadakı səfiri Fəxrəddin Qurbanov çıxış edərək Azərbaycan Xalq Cümhuriyyətinin yaranma şəraitindən və 23 aylıq fəaliyyəti dövründə əldə etdiyi nailiyyətlərdən, bütün sahələrdə həyata keçirilmiş islahat və quruculuq işlərindən, Azərbaycanın ilk parlamenti və hökumətinin, dövlət aparatının təşkil edilməsindən, ölkənin sərhədlərinin müəyyənləşdirilməsindən, bayrağının, himninin və gerbinin yaradılmasından bəhs edib.
F.Qurbanov Azərbaycanın yenidən müstəqilliyini bərpa etməsindən sonra qazandığı uğurlar, ümummilli lider Heydər Əliyevin dövlət quruculuğu sahəsində misilsiz xidmətləri və onun siyasi xəttinin layiqli davamçısı Prezident İlham Əliyevin apardığı daxili və xarici siyasət, əhalinin sosial vəziyyətinin yaxşılaşdırılması istiqamətində həyata keçirilən iqtisadi islahatlar haqqında tədbir iştirakçılarına ətraflı məlumat verib. O bildirib ki, Azərbaycanın Prezidenti İlham Əliyev Azərbaycan Xalq Cümhuriyyətinin yaradılmasının 100 illik yubileyinin geniş qeyd edilməsinə dair Sərəncam imzalayıb.
F.Qurbanov Azərbaycan ilə Xorvatiya arasında siyasi münasibətlərin hazırda ən yüksək səviyyədə olduğunu və tərəflər arasında 20-yə yaxın vacib ikitərəfli sənədin imzalandığını vurğulayıb, Xorvatiya hökumətinin yaxın zamanlarda Bakıda səfirliyin təsis edilməsinə dair qərarından məmnunluğunu ifadə edib.
Daha sonra Xorvatiyanın Xarici və Avropa İşləri Nazirliyinin dövlət katibi xanım Zdravka Buşiç çıxış edərək xalqımızı Azərbaycan Xalq Cümhuriyyətinin yaranmasının 100 illiyi münasibətilə təbrik edib, iki ölkə arasında münasibətlərin strateji səviyyədə olduğunu vurğulayıb. O, 2017-ci ilin sonunda Azərbaycan ilə Xorvatiya arasında iqtisadi əməkdaşlıq münasibətlərinin gücləndirilməsi məqsədilə Azərbaycan Respublikası Hökuməti və Xorvatiya Respublikası Hökuməti arasında iqtisadi əməkdaşlığı təşviq etmək məqsədilə Birgə Komissiyanın ilk iclasının keçirilməsini yüksək qiymətləndirib, iki ölkə arasında bütün sahələrdə əməkdaşlığın genişlənməsi üçün böyük potensialın olduğunu vurğulayıb. Z.Buşiç qeyd edib ki, Xorvatiyanın bir çox şirkətləri Azərbaycanda fəaliyyət göstərməkdə maraqlıdır və bu məqsədlə iki dost ölkənin birgə fəaliyyəti önəmlidir.
Tədbir çərçivəsində Azərbaycanın mədəniyyətinə, təbiətinə və iqtisadi uğurlarına dair sənədli film nümayiş olunub. Qonaqlara səfirlik tərəfindən xorvat dilinə tərcümə edilmiş Ermənistan-Azərbaycan, Dağlıq Qarabağ münaqişəsinin müxtəlif aspektlərini özündə əks etdirən kitablar paylanılıb, Azərbaycanın iqtisadi göstəricilərindən və investisiya mühitindən, milli mədəniyyətindən, turizm imkanlarından bəhs edən bukletlər, “IRS-Heritage”, Bakı jurnalları hədiyyə edilib.
Sonda 28 May-Respublika Günü münasibətilə ziyafət təşkil olunub.
İqbal Hacıyev
AZƏRTAC-ın xüsusi müxbiri
Zaqreb
![Azərbaycan Xalq Cümhuriyyətinin 100 illiyi Zaqrebdə qeyd edilib VİDEO]()
Zaqreb, 23 may, AZƏRTAC
Azərbaycanın Xorvatiyadakı səfirliyinin təşkilatçılığı ilə Azərbaycan Xalq Cümhuriyyətinin yaranmasının 100 illiyi münasibətilə Zaqrebdə tədbir keçirilib.
AZƏRTAC xəbər verir ki, 250-dən çox qonağın qatıldığı mərasimdə Xorvatiya Respublikası Xarici və Avropa İşləri Nazirliyinin dövlət katibi xanım Zdravka Buşiç iştirak edib. Bununla yanaşı, mərasimə bu ölkənin sabiq prezidentləri Stepan Mesiç və İvo Yosipoviç, Xorvatiya Prezidentinin xarici məsələlər üzrə müşaviri Dario Mihelin, xarici və Avropa işləri nazirinin müavini Vitse Skraçiç, Varajdin şəhəri Merinin müavini Sandra Malenitsa, eləcə də digər yüksək səviyyəli hökumət və dövlət nümayəndələri, Xorvatiya parlamentinin deputatları, Xorvatiya Respublikasında akkreditə olunmuş diplomatik korpusun əməkdaşları, Azərbaycan–Xorvatiya Dostluq Qrupunun üzvləri, ölkə ictimaiyyətinin tanınmış simaları qatılıblar.
Əvvəlcə hər iki ölkənin dövlət himnləri səsləndirilib.
Azərbaycanın Xorvatiyadakı səfiri Fəxrəddin Qurbanov çıxış edərək Azərbaycan Xalq Cümhuriyyətinin yaranma şəraitindən və 23 aylıq fəaliyyəti dövründə əldə etdiyi nailiyyətlərdən, bütün sahələrdə həyata keçirilmiş islahat və quruculuq işlərindən, Azərbaycanın ilk parlamenti və hökumətinin, dövlət aparatının təşkil edilməsindən, ölkənin sərhədlərinin müəyyənləşdirilməsindən, bayrağının, himninin və gerbinin yaradılmasından bəhs edib.
F.Qurbanov Azərbaycanın yenidən müstəqilliyini bərpa etməsindən sonra qazandığı uğurlar, ümummilli lider Heydər Əliyevin dövlət quruculuğu sahəsində misilsiz xidmətləri və onun siyasi xəttinin layiqli davamçısı Prezident İlham Əliyevin apardığı daxili və xarici siyasət, əhalinin sosial vəziyyətinin yaxşılaşdırılması istiqamətində həyata keçirilən iqtisadi islahatlar haqqında tədbir iştirakçılarına ətraflı məlumat verib. O bildirib ki, Azərbaycanın Prezidenti İlham Əliyev Azərbaycan Xalq Cümhuriyyətinin yaradılmasının 100 illik yubileyinin geniş qeyd edilməsinə dair Sərəncam imzalayıb.
F.Qurbanov Azərbaycan ilə Xorvatiya arasında siyasi münasibətlərin hazırda ən yüksək səviyyədə olduğunu və tərəflər arasında 20-yə yaxın vacib ikitərəfli sənədin imzalandığını vurğulayıb, Xorvatiya hökumətinin yaxın zamanlarda Bakıda səfirliyin təsis edilməsinə dair qərarından məmnunluğunu ifadə edib.
Daha sonra Xorvatiyanın Xarici və Avropa İşləri Nazirliyinin dövlət katibi xanım Zdravka Buşiç çıxış edərək xalqımızı Azərbaycan Xalq Cümhuriyyətinin yaranmasının 100 illiyi münasibətilə təbrik edib, iki ölkə arasında münasibətlərin strateji səviyyədə olduğunu vurğulayıb. O, 2017-ci ilin sonunda Azərbaycan ilə Xorvatiya arasında iqtisadi əməkdaşlıq münasibətlərinin gücləndirilməsi məqsədilə Azərbaycan Respublikası Hökuməti və Xorvatiya Respublikası Hökuməti arasında iqtisadi əməkdaşlığı təşviq etmək məqsədilə Birgə Komissiyanın ilk iclasının keçirilməsini yüksək qiymətləndirib, iki ölkə arasında bütün sahələrdə əməkdaşlığın genişlənməsi üçün böyük potensialın olduğunu vurğulayıb. Z.Buşiç qeyd edib ki, Xorvatiyanın bir çox şirkətləri Azərbaycanda fəaliyyət göstərməkdə maraqlıdır və bu məqsədlə iki dost ölkənin birgə fəaliyyəti önəmlidir.
Tədbir çərçivəsində Azərbaycanın mədəniyyətinə, təbiətinə və iqtisadi uğurlarına dair sənədli film nümayiş olunub. Qonaqlara səfirlik tərəfindən xorvat dilinə tərcümə edilmiş Ermənistan-Azərbaycan, Dağlıq Qarabağ münaqişəsinin müxtəlif aspektlərini özündə əks etdirən kitablar paylanılıb, Azərbaycanın iqtisadi göstəricilərindən və investisiya mühitindən, milli mədəniyyətindən, turizm imkanlarından bəhs edən bukletlər, “IRS-Heritage”, Bakı jurnalları hədiyyə edilib.
Sonda 28 May-Respublika Günü münasibətilə ziyafət təşkil olunub.
İqbal Hacıyev
AZƏRTAC-ın xüsusi müxbiri
Zaqreb
