MƏDƏNİYYƏT


Azərbaycan – Koreya dostluq münasibətlərinə həsr olunan konsert təşkil edilib

Bakı, 10 yanvar, AZƏRTAC

Yanvarın 10-da M.Maqomayev adına Azərbaycan Dövlət Akademik Filarmoniyasında Koreya Respublikasının Azərbaycandakı səfirliyinin təşkilatçılığı ilə iki ölkənin dostluq münasibətlərinə həsr edilən konsert olub.

AZƏRTAC xəbər verir ki, konsertdə Yalçın Adıgözəlovun dirijorluğu və Üzeyir Hacıbəyli adına Azərbaycan Dövlət Simfonik Orkestrinin müşayiətilə koreyalı violonçel ifaçısı xanım Ryo Meehae çıxış edib.

Azərbaycan Dövlət Simfonik Orkestrinin təqdimatında “Vətən baharı” simfoniyası (Koreya əsəri) və Ryo Meehaenin ifasında “Rokoko mövzusunda variasiya” dinləyicilərin zövqünü oxşayıb.

Bu konsert ölkələrimiz arasında mədəni əlaqələrin inkişafının yeni mərhələyə qədəm qoymasına özünəməxsus töhfədir.

Qeyd edək ki, Koreyanın tanınmış musiqiçilərindən olan Ryo Meehae beynəlxalq müsabiqələrdə münsif kimi iştirak etməklə yanaşı, Avropada aktiv şəkildə musiqi fəaliyyəti ilə də məşğul olur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.