ELM VƏ TƏHSİL


Azərbaycan alimi “Abay sözü” oxularında məruzəsinə görə diplomla təltif olunub

Bakı, 27 noyabr, AZƏRTAC

Nizami Gəncəvi adına Ədəbiyyat İnstitutunun Mətbuat tarixi və publisistika şöbəsinin müdiri, filologiya elmləri doktoru, professor, yazıçı-publisist Vüqar Əhməd “Çimkənt 2020 - MDB-nin mədəniyyət paytaxtı” proqramının təsis etdiyi diplomla təltif olunub.

Bu barədə AZƏRTAC-a institutdan bildirilib. Proqram çərçivəsində Qazaxıstanın Çimkənt şəhərində böyük qazax şairi və mütəfəkkiri Abay Kunanbayevin 175 illiyinə həsr olunmuş “Abay sözü” onlayn oxuları keçirilib. MDB və digər xarici ölkələrdən 253 nümayəndənin canlı və onlayn olaraq qatıldığı tədbirdə Vüqar Əhməd məruzə ilə çıxış edib və diplomla təltif olunub.

Qeyd edək ki, MDB-nin 2021-ci il mədəniyyət paytaxtının fəxri estafeti Düşənbə (Tacikistan Respublikası) şəhərinə təhvil verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.